देवगड तालुक्यातील ७२ गावांच्या सरपंचपदाची आरक्षण सोडत जाहीर

देवगड 

     २०२५-२०३० या पंचवार्षिक कालावधीसाठी देवगड तालुक्यातील ७२ ग्रामपंचायतींच्या सरपंच पदाच्या प्रवर्गनिहाय आरक्षणासाठी देवगड तहसीलदार कार्यालयात सोडत प्रक्रिया पार पडली. प्रांताधिकारी जगदीश कातकर यांच्या प्रमुख उपस्थितीत, चिठ्ठ्या टाकून आरक्षण निश्चित करण्यात आले. या प्रक्रियेत ५० टक्के महिला आरक्षणाअंतर्गत सर्वसाधारण प्रवर्गातून २४ ग्रामपंचायती, नागरिकांचा मागास प्रवर्गासाठी १० ग्रामपंचायती, अनुसूचित जमातीसाठी १ ग्रामपंचायत आणि अनुसूचित जातीसाठी २ ग्रामपंचायतींचे आरक्षण निश्चित झाले.

आरक्षणाची तपशीलवार माहिती पुढीलप्रमाणे:

अनुसूचित जाती प्रवर्गः हडपीड, कुणकवण

अनुसूचित जाती (महिला): दहिबाव, महाळुंगे

अनुसूचित जमाती (महिला): पेंढरी

नागरिकांचा मागास प्रवर्गः बुरंबावडे, उंडील, तोरसोळे, मुणगे, गवाणे, दाभोळे, विजयदुर्ग, कातवण, कट्टा, शिरगाव

नागरिकांचा मागास प्रवर्ग (महिला): इळये, कुवळे, नाडण, तळवडे, वळिवंडे, हिंदळे, पावणाई, टेंबवली, कुणकेश्वर, मणचे

सर्वसाधारण प्रवर्गः गढीताम्हाणे, आरे, शिरवली, मुटाट, पोंभुर्ले, कोटकामते, पुरळ, रहाटेश्वर, पोयरे, गिर्ये, साळशी, गोवळ, फणसगाव, विठ्ठलादेवी, लिंगडाळ, मोंड, वाघोटण, रामेश्वर, धालवली, वानिवडे, मळेगाव, पडवणे, ठाकुरवाडी

सर्वसाधारण (महिला): कोर्ले, मिठमुंबरी, चांदोशी, ओंबळ, नारिंग्रे, खुडी, नाद, वाधिवरे, किंजवडे, पडेल, वाडा, बापर्डे, वरेरी, मिठबाव, पाटगाव, सांडवे, चाफेड, पाटथर, पाळेकरवाडी, मोंडपार, फणसे, तिर्लोट, सौंदाळे, तांबळडेग