राष्ट्रवादी काँग्रेस पार्टीच्या वर्धापनदिनी सिंधुदुर्गातील पदाधिकाऱ्यांनी घेतली शरद पवार यांची सदिच्छा भेट.
konkansamwad
Jun 11, 2024 10:49
177
0
सावंतवाडी.
राष्ट्रवादी काँग्रेस पार्टीच्या वर्धापन दिनानिमित्त पक्षाचे संस्थापक अध्यक्ष शरदचंद्र पवार यांची भेट सिंधुदुर्ग जिल्ह्यातील पदाधिकाऱ्यांनी घेतली. पुणे मोदीबाग येथे ही भेट घेण्यात आली. १० जून २०२४ रोजी राष्ट्रवादी काँग्रेस शरदचंद्र पवार पार्टी वर्धापन दिनाचा जल्लोष विजयोत्सव, सायंकाळी न्यू आर्टस, कॉमर्स आणि साइन्स कॉलेज, लाल टाकी रोड, दिल्ली गेटच्या मागे, अहिल्यानगर, नगर येथे होत आहे. पक्षाचे संस्थापक अध्यक्ष शरदचंद्र पवार यांच्या उपस्थितीत हा सोहळा होणार आहे.या निमित्ताने आलेल्या पदाधिकाऱ्यांनी मा.शरदचंद्र पवार यांची सदिच्छा भेट घेत त्यांना शुभेच्छा दिल्या व आशीर्वाद घेतले.
याप्रसंगी माजी राज्यमंत्री प्रवीण भोसले, कोकण विभाग महिला अध्यक्षा अर्चना घारे परब, राष्ट्रवादीचे ज्येष्ठ नेते व्हिक्टर डॉन्टस, उद्योजक संदीप घारे आदी मान्यवर उपस्थित होते.यावेळी मा.शरद पवार यांनी कोकणातील पावसाची, शेतकऱ्यांची आस्थेने चौकशी करत कोकणच्या विविध विषयांवर चर्चा केली. व्यस्त कालावधीतून बहुमोल असा वेळ कोकणातील आपल्या कार्यकर्त्यांना त्यांनी दिला.
