माजगाव येथे १२ मार्च रोजी गणेश मूर्तिकारांचा मेळावा.
konkansamwad
Mar 10, 2024 02:10
89
0
सावंतवाडी.
श्री गणेश मूर्तिकारांचा मेळावा मंगळवार दि.१२ मार्च रोजी सकाळी १०.३० वाजता सिद्धिविनायक हॉल माजगाव ता. सावंतवाडी येथे सिंधुदुर्ग जिल्हा श्री गणेश मूर्तिकार संघाने मूर्तिकारांसाठी आयोजित केला आहे.
या मेळाव्यात पर्यावरण पूरक गणेश मूर्ती तयार करण्याबाबत हायकोर्टाचा निर्णय. प्रदूषण नियंत्रण मंडळाने काढलेला आदेश. हायकोर्टात चालू असलेल्या सध्याच्या केस बाबतची माहिती दिली जाणार आहे. पी. एम विश्वकर्मामध्ये ऑनलाईन रजिस्ट्रेशन केलेल्यांसाठी पुढील प्रशिक्षण बाबत प्रयत्न. संबंधीतांना मेळाव्यात उपस्थित राहणे अत्यंत आवश्यक इतर व्यावसायीकांचे प्रशिक्षण सुरु झाले. मूर्तिकारांचे सुरु झाले नाही. त्यावर चर्चा करण्यात येणार आहे.
तसेच ३ फेब्रुवारी रोजी बऱ्याच मूर्तिकारांचे ऑनलाईन रजिस्ट्रेशन करून घेतले आहे. संबंधित अधिकाऱ्यांनी सर्वाना एकत्र बोलवा म्हणजे आपण येतो असे सांगितले आहे. त्यासाठी ज्यांना आवश्यक आहे त्यांनी आपली नाव नोंदणी करावी. मूर्तीकाराना ओळखपत्र देण्याच्या दृष्टीने विचारविनिमय करणे व निर्णय घेणे, आदी बाबींचा विचार करून निर्णय घेतला जाईल असे मुर्तीकार संघाने म्हटले आहे.
