नगरोत्थानमधून वेंगुर्ला शहरासाठी ४ कोटी १९ लाख निधी मंजूर. वेंगुर्ला भाजपाच्या वतीने पालकमंत्र्यांचे आभार: प्रसन्ना देसाई.

नगरोत्थानमधून वेंगुर्ला शहरासाठी ४ कोटी १९ लाख निधी मंजूर.  वेंगुर्ला भाजपाच्या वतीने पालकमंत्र्यांचे आभार:  प्रसन्ना देसाई.

वेंगुर्ला.

    सिंधुदूर्ग जिल्ह्याचे पालकमंत्री रवींद्र चव्हाण यांच्या माध्यमातून वेंगुर्ला शहरातील तब्बल ३० कामांना नगरोत्थान मधून ४ कोटी १९ लाख रुपये निधी मंजूर झाला आहे. या कामांना जिल्हा प्रशासकीय मान्यता मिळाली आहे. लोकसभेची आचारसंहिता लागू होण्यापूर्वी या सर्व कामांचा शुभारंभ करण्यात येणार आहे अशी माहिती भाजपाचे जिल्हा उपाध्यक्ष प्रसन्ना उर्फ बाळू देसाई यांनी पत्रकार परिषदेत दिली. तसेच ही कामे मंजूर झाल्याने वेंगुर्ला तालुका भाजपाच्या वतीने त्यांनी पालकमंत्री रवींद्र चव्हाण यांचे आभार मानले आहेत.
   वेंगुर्ला भाजपा तालुका कार्यालयात पत्रकार परिषदेला त्यांच्या सोबत तालुका अध्यक्ष सुहास गावंडळकर, जिल्हा नियोजन समिती सदस्य तथा माजी नगराध्यक्ष दिलीप गिरप तसेच बाबली वायंगणकर, प्रशांत आपटे, साईप्रसाद नाईक, रवी शिरसाट, बाळू प्रभू, प्रणव वायंगणकर आदी उपस्थित होते.
  यावेळी मंजूर झालेल्या कामांमध्ये वेंगुर्ला शहरातील दाडाचे टीम स्मशानभूमीत शौचालय बाथरूम व इतर अनुषंगिक कामे, वडखोल येथील सद्गुरु परब यांच्या घराजवळील संरक्षक कठड्याचे बांधकाम करणे, विठ्ठल मंदिर ते विठ्ठलवाडी जाणाऱ्या गटाराचे बांधकाम करणे, रामेश्वर गल्ली येथील रस्त्याचे गटारावरील फुटलेल्या फाड्या बसविणे, निशान तलावा खालील विहिरीजवळील बंधाऱ्याचे बांधकाम करणे, खांबड भटवाडी रस्ता डांबरीकरण करणे भाग २, जयेश गावडे घर ते गाडेकर यांच्या घरापर्यंत जाणारा रस्ता डांबरीकरण करणे, पशुवैद्यकीय दवाखाना ते वेंगुर्ले हायस्कूल गडग्यापर्यंत जाणारा रस्ता डांबरीकरण करणे, मनीषा कोल्ड्रिंक ते झाट्ये यांच्या घरापर्यंत जाणारा रस्ता डांबरीकरण करणे, रामघाट रोड येथील साळगावकर घराशेजारील सीडी बर्कचे बांधकाम करणे, वडखोल येथील कृष्ण सावंत घराशेजारील संरक्षक कठड्याचे बांधकाम करणे भाग २, शैलेश नाईक यांचे घर ते डॉक्टर प्रदीप जोशी यांच्या घरापर्यंत जाणाऱ्या गटाराचे बांधकाम करणे, भटवाडी येथील घोडगे येथील बंधाऱ्याची दुरुस्ती करणे, कवी मंगेश पाडगावकर बालोद्यान ते असलम शेख यांच्या घरापर्यंत जाणाऱ्या गटाराचे बांधकाम करणे, झुलता फुल ते सागर सरिता पर्यंत जाणाऱ्या गटाराचे बांधकाम करणे, मारुती मंदिर ते गावडे यांच्या घरापर्यंत जाणारा रस्ता डांबरीकरण करणे, दाभोली नाका येथे गटारावर आवश्यक ठिकाणी फाड्या बसविणे व इतर भाग सुशोभीकरण करणे, पाटणकर यांचे घर ते शेखर माडकर यांच्या घराकडे जाणारा रस्ता कॉंक्रिटीकरण करणे, म्हाडा वसाहती मधील कोयंडे घर ते रवी वेंगुर्लेकर यांच्या घराकडे जाणाऱ्या गटारावर फाड्या बसविणे, शाहू शेख ते बगश शेख यांच्या घरापर्यंत जाणारा रस्ता काँक्रीटमेंट करणे, डोंटस कॉलनी जवळील रस्ता डांबरीकरण करणे, बॅरिस्टर नाथ पै. कम्युनिटी सेंटर समोरील गटाराचे बांधकाम करणे, मातृछाया सोसायटी मधील चैतन्य म्हापणकर ते प्रदीप प्रभू यांच्या गटाराचे बांधकाम करणे, वरस्कर स्टॉप ते मातृछाया पर्यंत गटाराचे बांधकाम करणे, धावडेश्वर स्मशानभूमी मधील प्रोटेस्टट सिमेंट्री मध्ये पायऱ्यांचे बांधकाम करणे, भाजी मार्केट मध्ये पावसाच्या पाण्यापासून संरक्षण करण्यासाठी कॅनोपी चे बांधकाम करणे, धावडेश्वर मंदिर ते बाबली वायंगणकर यांच्या घराकडे जाणारा रस्ता डांबरीकरण करणे, कवी मंगेश पाडगावकर बालोद्यान ते जगताप यांचे घरापर्यंत जाणाऱ्या रस्त्याचे डांबरीकरण करणे आणि गाडीअड्डा तिठा ते तांबळेश्वर मंदिरापर्यंत जाणारा रस्ता डांबरीकरण करणे अशा ३० कामांचा समावेश आहे.