मदर तेरेसा स्कूल येथे पदवीदान समारंभ उत्साहात साजरा.

konkansamwad konkansamwad Apr 21, 2024 11:28 169 0

मदर तेरेसा स्कूल येथे पदवीदान समारंभ उत्साहात साजरा.

वेंगुर्ला.

   मदर तेरेसा शाळेत शनिवार दि.१३ एप्रिल २०२४ रोजी सिनियर केजी च्या मुलांचा पदवीदान समारंभ मोठ्या उत्साहात साजरा झाला. या समारंभात प्रमुख पाहुणे डॉ. नूतन गावडे, कु.सँड्रा फर्नांडिस तसेच वेंगुर्ला नगर परिषदेचे मुख्याधिकारी परितोष कांकाळ उपस्थित होते.
   यावेळी कार्यक्रमाच्या सुरुवातीला डॉ.नूतन गावडे, वेंगुर्ला मुख्याधिकारी परितोष कांकाळ, कु. सँड्रा फर्नांडिस शाळेचे मॅनेजर फादर फ्रान्सिस डिसोजा शाळेचे मुख्याध्यापक फादर फॅलिक्स लोबो, पालक प्रतिनिधी नीता मयेकर, गौरवी बोव, समीक्षा वाडेकर यांच्या हस्ते दीप प्रज्वलन करण्यात आले.यांनतर  शाळेतील इयत्ता पाचवी आणि आठवीतील विद्यार्थ्यांनी प्रार्थना गीत गायले. नववीच्या विद्यार्थिनींनी स्वागत नृत्य केले नर्सरी जुनियर सीनियर केजीच्या विद्यार्थ्यांनी विविध सांस्कृतिक व शैक्षणिक कलागुणांचे सादरीकरण केले.
  यावेळी डॉ. नूतन गावडे, वेंगुर्ला मुख्याधिकारी परितोष कांकाळ, कु. सँड्रा फर्नांडिस या प्रमुख पाहुण्यांनी पालकांना चांगल्या प्रकारे मार्गदर्शन केले.तसेच मुलांना पदवी प्रमाणपत्रे प्रदान करण्यात आली.कार्यक्रमाचे सूत्रसंचालन कु.गार्गी गावडे हिने केले तर उपस्थित सर्वांचे आभार शेरीन फर्नांडिस यांनी मानले.