न्हावेली गावातील जीर्ण झालेले पोल तात्काळ बदला. ग्रामपंचायत सदस्य व सामाजिक कार्यकर्ते यांची वीज अधिकाऱ्यांकडे मागणी.
konkansamwad
Jan 17, 2024 11:50
219
0
सावंतवाडी.
न्हावेली गावातील विद्युत वाहिन्यांच्या लोखंडी पोल मोठ्या प्रमाणात जीर्ण झालेल्या आहेत मागील आठवड्यात न्हावेली मेस्त्री वाडी येथे लोखंडी पोल पूर्ण गंजून तुटून पडल्याने आजूबाजूच्या परिसरातील गवताला आग लागली होती भविष्यात अशा घटना घडू नयेत व कोणत्याही प्रकारचे नुकसान व जीवित हानी यासारख्या दुर्घटनांपासून सावधनतेसाठी आपण ताबडतोब न्हावेली गावातील जीर्ण लोखंडी पोलांचे सर्वेक्षण करून ते बदलावेत असे निवेदनाद्वारे सामाजिक कार्यकर्ते व न्हावेली ग्रामस्थांनी वीज अधिकाऱ्यांकडे मागणी केली आहे. याबाबतची माहिती घेत खराब झालेले पोल तात्काळ बदलण्याची ग्वाही वीज अधिकाऱ्यांनी उपस्थित लोकांना दिली. तर तात्काळ हे काम हाती घ्या अन्यथा कोणतीही जीवित हानी किंवा नुकसान झाल्यास आपल्या कार्यालयासमोर उग्र आंदोलन छेडण्याचा इशारा उपस्थितांनी दिला.
यावेळी सामाजिक कार्यकर्ते आशिष सुभेदार,न्हावेली ग्रामपंचायत सदस्य अक्षय पार्सेकर,ग्रामपंचायत सदस्य आरती माळकर, सामाजिक कार्यकर्ते संदेश सावंत,प्रकाश साटेलकर,सुनील नाईक,आबा चिपकर,निलेश देसाई,बाळू सावळ,नवनाथ पार्सेकर रुपेश पार्सेकर,राज धवन,प्रथमेश नाईक आदी उपस्थित होते.
