वेंगुर्ला येथे ‘डान्सिंग सुपरस्टार’ नृत्य स्पर्धा संपन्न.
konkansamwad
Jan 4, 2024 05:36
215
0
वेंगुर्ला.
सामाजिक कार्यकर्ते नितीश कुडतरकर यांच्या वतीने वेंगुर्ला तालुक्यातील निमंत्रित कलाकारांसाठी ‘डान्सिंग सुपरस्टार’ ही नृत्य स्पर्धा आयोजित करण्यात आली.या स्पर्धेचे उद्घाटन कोकण विभाग राष्ट्रवादी काँग्रेस पार्टी अध्यक्ष अर्चना घारे यांनी केले.तसेच सर्व स्पर्धकांना शुभेच्छा दिल्या व उदयोन्मुख कलाकारांना भव्य व्यासपीठ उपलब्ध करून देणारा हा अभिनव उपक्रम आयोजित केल्याबद्दल आयोजकांचे आभार व्यक्त केले.
यावेळी सामाजिक कार्यकर्ते विवेक कुबल, राष्ट्रवादी काँग्रेस पार्टीच्या प्रदेश महिला उपाध्यक्ष नम्रता कुबल, तालुका अध्यक्ष योगेश कुबल, शहराध्यक्ष सत्यवान साटेलकर, रयत शिक्षण संस्थेचे अँथोनी डिसोजा, तालुका उपाध्यक्ष विशाल बागायतदार, तालुका सचिव स्वप्नील रावळ, तालुका उपाध्यक्ष सलीम नाबर, वेंगुर्ला शहर कार्याध्यक्ष सुहास कोळसकर, रोहित वेंगुर्लेकर, सुनिल वेंगुर्लेकर,नरू सावंत, निशा राऊत, मयुरी केरकर, सौरभ माळवदे, बबन पडवळ आदी मान्यवर उपस्थित होते.
लावणी सम्राज्ञी म्हणून पुर्वा मेस्त्री, कथक विशारद पदवी प्राप्त मृणाल सावंत, सुप्रसिद्ध भरतनाट्यम नित्यांगणा निरजा माडकर, गुणगौरव पुरस्कार सौरभ माळवदे, गुणवंत स्पर्धक सिद्धी सावंत, उत्कृष्ट बाल स्पर्धक पूर्वा पावसकर व आरव आहिर यांना सन्मान चिन्ह देऊन सत्कार करण्यात आला.
