पालकमंत्री नितेश राणे यांचा सावंतवाडीत कॉर्नर सभेवर भर
konkansamwad
Nov 24, 2025 01:57
140
0
सावंतवाडी
सावंतवाडी नगरपरिषद निवडणुकीच्या पार्श्वभूमीवर पालकमंत्री नितेश राणे यांनी भाजपच्या प्रचारात जोर लावला आहे. भाजपचा नगराध्यक्ष व नगरसेवक निवडून आणण्यासाठी त्यांनी शहरात कॉर्नर बैठका आणि प्रतिष्ठित नागरिकांच्या भेटीगाठी घेण्यास सुरुवात केली आहे.
याच प्रयत्नाचा एक भाग म्हणून त्यांनी सालईवाडा येथे कॉर्नर बैठक घेतली. यावेळी त्यांनी जनतेशी संवाद साधत त्यांच्या समस्या आणि अडचणी जाणून घेतल्या. देशात आणि राज्यात भाजपचे सरकार असल्याने सर्व प्रश्नांची सोडवणूक करण्यासाठी आम्ही कटिबद्ध आहोत, असे आश्वासन त्यांनी दिले. विकासाच्या कामांसाठी आपल्या विचारांचा नगराध्यक्ष आणि नगरसेवक निवडून देण्यासाठी भाजपला पाठिंबा देण्याचे आवाहन त्यांनी यावेळी नागरिकांना केले.
या बैठकीला नगराध्यक्षपदाच्या उमेदवार युवराज्ञी श्रद्धाराजे भोंसले, युवराज लखमराजे भोंसले, महिला जिल्हाध्यक्षा श्वेता कोरगावकर, तसेच भाजपचे नगरसेवक पदासाठीचे उमेदवार अमित गवंडळकर, मेघा डुबळे, प्रतिक बांदेकर, सुकन्या टोपले आदींसह भाजप पदाधिकारी व कार्यकर्ते उपस्थित होते.
