सावंतवाडी-देवरूख बसफेरी २५ एप्रिल पासून पूर्ववत होणार
konkansamwad
Apr 22, 2025 04:06
87
0
सावंतवाडी
गेली वर्षभर सावंतवाडी देवरुख व देवरुख - सावंतवाडी एसटी बस फेरी बंद होती. सदरची बस सेवा पूर्ववत सुरू व्हावी अशी प्रवासी वर्गातून मागणी होत होती.दरम्यान प्रवाश्यांची होणारी गैरसोय लक्षात घेऊन सिंधुदुर्ग जिल्ह्याचे पालकमंत्री नितेश राणे यांनी सिंधुदुर्ग विभाग नियंत्रक बोरसे यांना सूचना केली. त्यानुसार बोरसे यांनी संबंधित बस डेपोला सूचना करून सावंतवाडी–देवरुख व देवरुख–सावंतवाडी एसटी बस फेरी सुरू करण्याची सूचना दिली. ही बस सेवा २५ एप्रिल पासून सुरू होणार असल्याची माहिती देखील विभाग नियंत्रक बोरसे यांनी दिली. माहिती समजताच प्रवासी वर्गातून पालकमंत्र्यांचे आभार व्यक्त केले जात आहे.
