शिष्यवृत्ती योजनेचे नवीन अर्ज नोंदणी करणे, जुन्या अर्जाचे नुतनीकरण करण्यासाठी ३१ ऑगस्ट पर्यंत मुदतवाढ.
konkansamwad
Aug 30, 2023 10:10
371
0
सिंधुदुर्ग.
भारत सरकार शिष्यवृत्तीसाठी महाविद्यालयातील ज्या विद्यार्थ्यांचे सन 2022-23 करिता शिष्यवृत्ती अर्ज अद्याप नोंदणी झालेली नाहीत, अशा अनु.जाती, विजाभज, इमाव व विमाप्र प्रवर्गातील विर्द्यांसाठी शिष्यवृत्ती योजनेचे नवीन अर्ज नोंदणी करणे व जुन्या अर्जाचे नुतनीकरण करणे तसेच महाविद्यालय स्तरावरील प्रलंबित अर्ज मंजुरीसाठी दि. 31 ऑगस्ट 2023 पर्यंत मुदतवाढ देण्यात आली असल्याची, माहिती समाज कल्याण विभागाचे सहायक आयुक्त संतोष चिकणे यांनी दिली आहे.
विद्यार्थ्यांनी विहित वेळेत अर्ज https://mahadbtmahait.gov.in या संकेतस्थळावर सुरु आहेत. महाविद्यालयस्तरावर प्रलंबित असलेले अर्जांची छाननी करुन परिपूर्ण अर्ज मंजुरीस्तव या कार्यालयाकडे वर्ग करण्याबाबत संबंधित महाविद्यालयातील प्राचार्य कार्यवाही करावी, ज्या विद्यार्थ्यांचे अर्ज अद्याप नोंदणी झालेली नाहीत, अशा विद्यार्थ्यांचे अर्ज संबंधित महाविद्यालयानी नोंदणी करुन शिष्यवृत्ती अर्ज मंजुरीसाठी पाठविण्यात यावे. शिष्यवृत्ती अर्ज भरणे व मंजुरीसाठी पाठविण्याची अंतिम मुदत दि. 31 ऑगस्ट 2023 असल्याने सदर योजनेपासून मागासवर्गीय विद्यार्थी वंचित राहिल्यास संबंधित महाविद्यालयातील प्राचार्य जबाबदार राहतील असे पत्रकात नमूद आहे.
शिष्यवृत्ती योजनेचे नवीन अर्ज नोंदणी करणे व जुन्या अर्ज नुतनीकरण करण्याबाबत समस्या उद्भवल्यास अधिक माहितीसाठी सहायक आयुक्त समाज कल्याण कार्यालय सिंधुदुर्ग दूरध्वीन क्र. 02362 228882 येथे संपर्क साधावा.
