नागरी संरक्षण स्वयंसेवकासाठी नोंदणी करण्याचे अपर पोलिस अधिक्षकांचे आवाहन

सिंधुदुर्गनगरी

 उपनियंत्रक नागरी संरक्षण कार्यालयाच्या अधिपत्याखाली असलेल्या सर्व तालुक्यामध्ये रिक्त असलेली मानसेवी सदस्य पदांची भरती करण्यासाठी स्वयंसवेक नोंदणी कार्यक्रम 2 ते 12 जून रोजी सकाळी 10 वाजता उपनियंत्रक नागरी संरक्षण कार्यालय जिल्हाधिकारी कार्यालय सिंधुदुर्गनगरी तसेच जिल्हा समादेशक होमगार्ड कार्यालय व प्रशिक्षण केंद्र सिंधुदुर्गनगरी (ओरोस) सिडको भवन येथे आयोजित करण्यात आला आहे. तरी जिल्ह्यातील पुरुष, महीला प्रवर्गांनी नवीन सदस्य नोंदणीसाठी उपस्थित रहाण्याचे आवाहन जिल्हा समादेश होमगार्ड तथा अपर पोलिस अधिक्षक कृषिकेश रावले यांनी केले आहे.

• स्वयंसेवक नोंदणी पात्रतेचे निकष पुढीलप्रमाणे

भारतीय नागरिक असावा, वयाची कीमान 18 वर्ष पुर्ण झालेली असावेत, किमान चौथी पास असावा, शररिकदृष्ट्या सुदृढ असावा, कोणताही गुन्हा दाखल नसावा

• लागणारे कागदपत्रे

शाळा सोडल्याचा दाखला, आधारकार्ड, पॅनकार्ड, बँक पास बुक-( बँकेचे नाव, खाते क्रमांक, आयएफसी कोड, पहीले पान), वैद्यकीय प्रमाणपत्र, पोलिस चरित्र्य पडताळणी प्रमाणपत्र, सध्याचे 4 फोटो.

         निवड होऊन पात्र ठरलेले उमेदवार हे वेतनी सेवत असल्यास कार्यालयाचे अथवा मालकाचे  ना- हरकत प्रमाणपत्र, माजी सैनिक अथवा एनसीसी प्रमाणपत्र धारक व इतर अन्य तपशिलाच्या सर्व संबंधित प्रमाणपत्रे सादर करणे बंधनकारक राहील. उमेदवारास नोंदणीच्या वेळी त्यांना स्वखर्चाने यावे लागेल तसेच नोंदणीच्या वेळी कोणत्याही अपघाती घटना घडल्यास त्याची जबाबदारी संबंधित उमेदवाराची राहील. अधिक माहितीसाठी कार्यालयाचा दूरध्वनी क्रमांक 02362-299252 वर संपर्क करावा.