कणकवली येथे गांजा बाळगल्या प्रकरणी एकाला अटक
konkansamwad
Aug 31, 2025 02:06
177
0
कणकवली
कणकवली शहरातील बांधकरवाडी येथे भाड्याच्या घरात अवैध गांजा बाळगल्या प्रकरणी स्थानिक गुन्हा अन्वेषण शाखेच्या पोलिसांनी एका युवकाला ताब्यात घेतले. या प्रकरणी शुभम उर्फ कुंदन संतोष गोसावी (वय २०, कणकवली- बांधकरवाडी) याला एलसीबीच्या पोलिसांनी अटक केली. त्याच्याकडून तब्बल ३८० ग्रॅम वजनाचा गांजा जप्त करण्यात आला आहे.शुभम याने विक्रीच्या उद्देशाने भाड्याने राहत असलेल्या घरामध्ये गांजा ठेवला असल्याची माहिती एलसीबीच्या पोलिसांना प्राप्त झाली. त्यानुसार एलसीबीचे पोलीस उपनिरीक्षक आनिल हाडळ यांच्या नेतृत्वाखाली एलसीबीची टीम बांधकरवाडी येथे पोहोचली. हाडळ यांनी सदर घराचा दरवाजा ठोठावून संशयिताला उठवले. त्यानंतर त्याच्या घराची झडती घेतली असता हॉलमधील एका बॅरेलमध्ये कपड्यांखाली लपवलेली गांजाची तब्बल ३० पाकिटे आढळून आली.या कारवाईमध्ये पीएसआय अनिल हाडळ यांच्यासमवेत सहाय्यक पोलीस उपनिरीक्षक राजू जामसंडेकर, एम. पी. राणे, डी. एस. डिसोजा, पी. एस. कदम, बी. पी. डिसोजा, महिला हवालदार आर. आर. खानोलकर, कॉन्स्टेबल डी. जी. तवटे आदी सहभागी झाले होते.
