उपरलकर देवस्थानचा वार्षिक अभिषेक पूजा सोहळा 6 फेब्रुवारीला
konkansamwad
Jan 18, 2025 11:00
84
0
सावंतवाडी
महाराष्ट्र व गोवा राज्यातील भाविकांचे श्रध्दास्थान, सावंतवाडी शहराचे जागृत देवस्थान व 365 खेडयांचा अधिपती श्री देव उपरलकर देवस्थानचा वार्षिक अभिषेक पूजा सोहळा गुरुवार दिनांक 6 फेब्रुवारी रोजी साजरा होणार आहे. सावंतवाडीतील राजघराण्याचे दैवत असलेल्या या देवस्थानचा वाढदिवस दरवर्षी मोठा उत्सव म्हणून साजरा होतो. यावर्षीही त्या निमित्त सकाळपासून विविध कार्यक्रमांचे आयोजन करण्यात आले आहे. गुरुवारी 6 फेब्रुवारी रोजी सकाळी अभिषेक व पूजा, उत्सवानिमित्त पूजापाठ, त्यानंतर सर्व भाविकांना दर्शन व तिर्थप्रसाद, नामांकीत भजनी कलाकारांचा भजनाचा कार्यक्रम होणार आहे. तर सायंकाळी 7 वाजता सावंतवाडी येथील महापुरुष दशावतार नाट्यमंडळाचा नाट्यप्रयोग होणार आहे. या कार्यक्रमाला सर्व भाविकांनी उपस्थित रहावे असे आवाहन श्री देव उपरलकर देवस्थानचे मानकरी विद्याधर नाईक शितप व शुभम नाईक शितप यांनी केले आहे.
