राज ठाकरे यांच्या वाढदिवसानिमित्त मनविसेच्यावतीने कणकवली रुग्णालयात रुग्णांना फळेवाटप
konkansamwad
Jun 16, 2026 05:42
91
0
कणकवली
महाराष्ट्र नवनिर्माण सेनेचे अध्यक्ष मराठी हृदयसम्राट राज ठाकरे यांच्या वाढदिवसानिमित्त कणकवली उपजिल्हा रुग्णालयात रुग्णांना फळे व बिस्किट वाटप करण्यात आले. महाराष्ट्र नवनिर्माण विद्यार्थी सेनेच्या वतीने हा उपक्रम राबवण्यात आला. रुग्णालयातील डॉक्टरांच्या हस्ते फळे व बिस्किट वाटपाला सुरुवात झाली. या उपक्रमाद्वारे रुग्णांना आरोग्यदायी आहार मिळावा आणि त्यांना लवकर बरे वाटावे हा उद्देश असल्याचे पदाधिकाऱ्यांनी सांगितले.यावेळी महाराष्ट्र नवनिर्माण सेना कणकवली-मालवण उपजिल्हा अध्यक्ष गणेश वाईरकर, तालुका अध्यक्ष शांताराम सादये, विद्यार्थी सेनेचे जिल्हाध्यक्ष अनिकेत तर्फे, देवेंद्र जाधव, अरविंद घाडी आदी पदाधिकारी व कार्यकर्ते उपस्थित होते. मनसे व मनविसेच्या पदाधिकाऱ्यांनी रुग्णांशी संवाद साधत त्यांच्या प्रकृतीची विचारपूस केली. सामाजिक बांधिलकी जपत विविध उपक्रमांद्वारे जनसेवा करण्याचा मनसेचा प्रयत्न असल्याचे यावेळी सांगण्यात आले.
