पाडलोस ग्रामस्थांचा अर्चना घारे परब यांच्या उपस्थितीत राष्ट्रवादी काँग्रेस पक्षात प्रवेश.
konkansamwad
May 3, 2024 04:58
103
0
सावंतवाडी.
वाढती महागाई, पेट्रोल दर, बेरोजगारी, आरोग्याची वाढती समस्या सोडविण्यास भाजप सरकार अपयशी ठरले आहे. अशा या सत्ताधाऱ्यांना रोखण्यासाठी सर्व विरोधी पक्ष एकत्र आले आहेत. पक्षप्रवेशकर्त्यांनी जोमाने व जबाबदारीने काम करावे आम्ही तुमच्यासोबत कायम राहणार अशी ग्वाही, राष्ट्रवादी काँग्रेस (शरद पवार) च्या कोकण विभाग महिला अध्यक्ष अर्चना घारे परब यांनी दिली.
पाडलोस गावातील ग्रामस्थांनी माजी राज्यमंत्री प्रवीण भोसले तसेच कोकण विभाग महिला अध्यक्ष अर्चना घारे परब यांच्या उपस्थितीत राष्ट्रवादी काँग्रेस शरदचंद्र पवार पक्षात प्रवेश केला. व्यासपीठावर सावंतवाडी तालुकाध्यक्ष पुंडलिक दळवी, सोशल मिडीया फ्रंट जिल्हाध्यक्ष संजय भाईप, युवती जिल्हाध्यक्षा सावली पाटकर, सावंतवाडी तालुका मतदारसंघ युवती अध्यक्षा सुनिता भाईप, सावंतवाडी तालुका मतदार संघ महिला तालुकाध्यक्षा नितेशा नाईक,सावंतवाडी तालुका मंतदारसंघ युवक तालुका अध्यक्ष विवेक गवस, सोशल मीडीया फ्रंट सावंतवाडी तालुका अध्यक्ष प्रसाद परब, विद्यार्थी संघटना अध्यक्ष ऋतिक परब, वैभव परब, अजित नातू आदी मान्यवर उपस्थित होते.
