बांदा रोटरॅक्ट क्लब ऑफ रायझिंग युथ आयोजीत मोफत रक्त तपासणी शिबिराला उत्स्फूर्त प्रतिसाद.
Konkan Samwad
Jul 28, 2023 11:06
194
0
सावंतवाडी.
रोटरॅक्ट क्लब ऑफ रायझिंग युथ बांदा तर्फे मोफत रक्त तपासणी शिबीराला उत्स्फूर्त प्रतिसाद लाभला.या शिबिरात तब्बल 74 जणांची रक्त तपासणी करण्यात आली. यावेळी व्यासपीठावर रोटरी क्लब ऑफ बांदा चे अध्यक्ष प्रमोद कामत, सचिव नरसिंह काणेकर, माजी अध्यक्ष मंदार कल्याणकर तसेच रोटरॅक्ट क्लबचे अध्यक्ष अक्षय मयेकर, सचिव अवधूत चिंदरकर, हिंद लॅब च्या श्वेता वराडकर आदी उपस्थित होते. यावेळी प्रसूती रुग्णांना फळवाटप देखील करण्यात आली.
रोटरी क्लब व रोटरॅक्ट क्लब नेहमीच समाजोपयोगी उपक्रम राबवत आहे व यापुढेही राबवत राहील असे मत अध्यक्ष अक्षय मयेकर यांनी व्यक्त केले.
रोटरॅक्ट क्लब जोमाने काम करत असून त्यांना यंदा बेस्ट चार्टर क्लब अवॉर्ड प्राप्त झाला याचा आम्हाला अभिमान आहे असे मत रोटरी अध्यक्ष प्रमोद कामत यांनी व्यक्त केले.
यावेळी रोटरॅक्ट क्लब चे मिताली सावंत, अवधूत चिंदरकर, रोहन कुबडे, विनिता कुबडे, मुईन खान, शिवम गावडे, दत्तराज चिंदरकर, संकेत वेंगुर्लेकर आदी उपस्थित होते.
