मेहनतीने मिळविलेले यश हेच सर्वोत्तम यश : उद्योजक विनायक कारभाटकर. अणसूर पाल हायस्कूल येथे एसएससी उत्तीर्ण विद्यार्थ्यांंचा गुणगौरव सोहळा संपन्न.

वेंगुर्ला.

    अणसूर पाल विकास मंडळ मुंबई संस्थेच्या वतीने, अणसूर पाल हायस्कूल, अणसूर या शाळेतील एसएससी उत्तीर्ण विद्यार्थ्यांंचा गुणगौरव सोहळा शाळेच्या बहुउद्देशीय हाॅलमध्ये उत्साहात संपन्न झाला.यावेळी अध्यक्ष आत्माराम गावडे यांनी विद्यार्थ्यांच्या यशाचे कौतुक करुन भावी जीवनात आपल्या आवडत्या क्षेत्रात सर्वोत्तम यश मिळविण्यासाठी प्रयत्न करा असे आवाहन केले तसेच सत्य, प्रामाणिक निष्ठा व कठोर म़ेहनतीने मिळविलेले यश हे सर्वोत्तम यश असून ते जीवनात अखंड टिकते.सदविचार,सदाचार व सद्गुण ही आपल्या जीवनात उर्जेसारखे कार्य करून आपल्याला उन्नतीसाठी यश व समाधान देतात. ग्रामीण भागातील शाळेची एसएससी १००% निकालाची उज्ज्वल परंपरा व विद्यार्थ्यांनी मिळविलेले सर्वोत्तम गुण कौतुकास्पद व अभिनंदनीय आहेत असे गौरवोद्गार प्रमुख पाहुणे उद्योजक विनायक कारभाटकर यांनी काढले.सेक्रेटरी लिलाधर गावडे यांनी विद्यार्थी व शिक्षकांचे अभिनंदन करून, शैक्षणिक विकासासाठी संस्था करीत असलेल्या प्रयत्नात सर्व माजी विद्यार्थी,पालक व ग्रामस्थ यांच्या भरीव सहकार्याची अपेक्षा व्यक्त केली.चेअरमन माजी मुख्याध्यापक एम.जी.मातोंडकर यांनी सध्याच्या स्पर्धात्मक युगात विद्यार्थ्यांनी अद्ययावत ज्ञान मिळवण्यासाठी नेहमी तत्पर रहावे व आपला विकास साधण्यासाठी मेहनत घ्यावी असे प्रतिपादन केले.यावेळी अणसूर सरपंच सत्यविजय गावडे,पाल सरपंच कावेरी गावडे, भाऊ गावडे, गुंडू गावडे यांनीही विद्यार्थी व शिक्षक परीवाराचे अभिनंदन करून शुभेच्छा दिल्या.
     यावेळी अणसूर पाल विकास मंडळ मुंबई संस्थेच्यावतीने वेंगुर्ला तालुक्यात आठवा आलेल्या व‌ शाळेत प्रथम क्रमांक पटकाविलेल्या मंदार बापू नाईक(९५% गुण)द्वितीय क्रमांक यज्ञेश भास्कर गावडे (९३%गुण) व तृतीय क्रमांक भुमिका अनंत राऊळ (८८.२०%गुण) यांचा सॅक बॅग,फोल्डर  तर विशेष श्रेणीतील १९,प्रथम श्रेणीतील ११ व द्वितीय श्रेणीतील २ मिळून एकुण सर्व ३२ ही उत्तीर्ण विद्यार्थ्यांचा पेनसेट व गुलाब पुष्प देऊन उपस्थित मान्यवरांच्या हस्ते गौरव करण्यात आला.
    यावेळी संस्थेच्यावतीने सर्व शिक्षकांचा देखील गौरव करण्यात आला.संस्थाध्यक्ष आत्माराम गावडे यांनी सर्व उत्तीर्ण विद्यार्थ्यांना जीवन विद्या मिशन पुस्तिका भेट दिली. यावेळी सेवानिवृत्त लिपिक सुधीर पालकर यांचा सेवानिवृत्तिनिमित्त संस्थेच्यावतीने शाल, श्रीफळ, सन्मानचिन्ह देऊन सपत्नीक सत्कार करण्यात आला.शिक्षक व शिक्षकेतर कर्मचाऱ्यांच्या वतीने बुद्धमूर्ती व कारवान साउंड सिस्टीम भेट देण्यात आली.सुधीर पालकर यांनी संस्था व शालेय परिवाराचे आभार मानून,संस्थेला रूपये पंचवीस हजारचा धनादेश दिला व सर्व उत्तीर्ण विद्यार्थ्यांना वाॅटरबाॅटल भेट दिली.यावेळी गुणवंत विद्यार्थ्यांनी मनोगत मध्ये आपल्या शैक्षणिक, कला - सांस्कृतिक व क्रीडा विकासासाठी दिलेल्या योगदानाबद्दल सर्व शिक्षक, शिक्षकेतर कर्मचारी, शाळा व संस्थचे ऋण व्यक्त करून आभार मानले.
    यावेळी संस्था अध्यक्ष आत्माराम गावडे, सेक्रेटरी लिलाधर गावडे, प्रमुख पाहुणे  गोवा येथील उद्योजक विनायक कारभाटकर, शालेय समिती चेअरमन एम.जी.मातोंडकर, सदस्य दिपक गावडे, देवू गावडे, विजय गावडे, गुंडू गावडे, भाऊ गावडे, अणसूर सरपंच सत्यविजय गावडे, पाल सरपंच कावेरी गावडे, जनशिक्षण संस्थेचे गजानन गावडे, माजी मुख्याध्यापक शैलजा वेटे, सेवानिवृत्त लिपिक सुधीर पालकर व रूचिरा पालकर, वासुदेव बर्वे, नारायण ताम्हणकर, बिटू उर्फ आनंद गावडे, अनंत मांजरेकर, ग्रामस्थ व पालक उपस्थित होते.‌या गुणगौरव सोहळ्याचे प्रास्ताविक व मान्यवरांचे स्वागत मुख्याध्यापक राजेश घाटवळ, सुत्रसंचालन विजय ठाकर, गुणगौरव अहवाल वाचन चारुता परब व आभार अक्षता पेडणेकर यांनी मानले.