समृद्धी महामार्गावर कारचा भीषण अपघात; ३ जण जागीच ठार तर चारजण गंभीर जखमी.

konkansamwad May 6, 2024 05:58 301 0

बुलढाणा.

अपघातांच्या मालिकांमुळे सतत चर्चेत येणाऱ्या समृद्धी महामार्गावर आज पुन्हा एक भीषण अपघात झालाय. यात तिघांचा जागीच मृत्यू झाला आहे. तर इतर चारजण गंभीर जखमी असून त्यांची प्रकृती चिंताजनक असल्याचे समजते. प्राथमिक माहितीनुसार, कार चालकाचा डोळा लागल्याने कारवरील नियंत्रण सुटले आणि भरधाव वेगात असलेली कार लगतच्या कठडयाला जाऊन धडकली. हा अपघात इतका भीषण होता की यात कारचा अक्षरक्ष: चुराडा झाला आहे.
समृद्धी महामार्गावरील नागपूर कॉरिडॉरवरील चॅनल 317 जवळ आज दुपारच्या सुमारास ही घटना घडलीय. घटनेची माहिती मिळताच पोलिसांनी तात्काळ घटनास्थळी धाव घेत पुढील कारवाई सुरू केली आहे. तर अपघातातील जखमींवर सिंदखेडराजा येथील रुग्णालयात उपचार करण्यासाठी हलविण्यात आले आहे.
असाच एक प्रकार आज दुपारच्या सुमारास समृद्धी महामार्गावरील नागपूर कॉरिडॉर वरील चेनेज 317 जवळ झाला आहे. यात चालकाला झोप आल्याने भरधाव कार साईड बेरिअरला जाऊन धडकली आहे. हा अपघात इतका भीषण होता की यात कारचा अक्षरक्ष: चुराडा झाला आहे. तर कार मधील तीन जण ठार झाले असून इतर चार जण गंभीर जखमी झाले आहेत. सध्या जखमींवर सिंदखेडराजा येथील रुग्णालयात उपचार करण्यासाठी हलविण्यात आले आहे.