परुळे येथे १७ मार्च रोजी फुगडी महोत्सवाचे आयोजन.
konkansamwad
Mar 15, 2024 11:12
82
0
वेंगुर्ला.
जागतिक महिला दिनानिमित्त परुळे युवक कला क्रीडा मंडळ (महिला विभाग ) आयोजित फुगडी महोत्सव पुढे ढकलण्यात आला होता. हा कार्यक्रम आता रविवार दि.१७ मार्च रोजी दुपारी ३ वाजता अण्णासाहेब देसाई विद्यामंदिर येथे संपन्न होत आहे.या कार्यक्रमात परुळे पंचक्रोशीतील निमंत्रित फुगडी संघ बहारदार पारंपारिक फुगडी नृत्य सादर करणार आहेत.या फुगडी महोत्सवात सहभागी होणारे निमंत्रित संघ खालील प्रमाणे-
श्री ब्राह्मण फुगडी संघ पागेरावाडी, श्री तारादेवी महिला फुगडी संघ केळुस, श्री देवी आंदुर्लाई फुगडी संघ आंदुर्ले, सातेरी महिला फुगडी संघ कर्ली, कुलस्वामिनी फुगडी संघ
परुळे, माऊली फुगडी मंडळ पाट, भावई फुगडी संघ कोचरा, सुकन्या स्वयंसहायता बचत गट फुगडी संघ परुळे, आदी संघ सहभागी होणार आहेत.हा कार्यक्रम श्री देव वेताळादी पंचायतन परुळे देवस्थान न्यास यांनी पुरस्कृत केला आहे.तरी या कार्यक्रमास महिलांनी बहुसंख्येने उपस्थित राहावे असे आवाहन महिला विभागाकडून करण्यात आले आहे.
