वेंगुर्ला नगरपरिषदेच्या वतीने ‘हर घर तिरंगा’ अभियानांतर्गत तिरंगा दौड.
konkansamwad
Aug 14, 2024 10:53
318
0
वेंगुर्ला.
वेंगुर्ला नगरपरिषदेमार्फत दिनांक ९ ऑगस्ट ते १५ ऑगस्ट २०२४ या कालावधीत ‘’घरोघरी तिरंगा’’ हे अभियान साजरे करण्यात येत आहे.राष्ट्रध्वजास समर्पित राष्ट्रभक्तीच्या भावनेने वेंगुर्ला नगरपरिषदेमार्फत शहरातील लोकप्रतिनिधी, डॉक्टर्स, क्रीडा क्षेत्रातील व्यक्ती, नगरपरिषद अधिकारी व कर्मचारी तसेच शालेय व महाविदयालयीन विदयार्थी यांची एकत्रितपणे दिनांक १३ ऑगस्ट २०२४ रोजी सकाळी ८.०० वाजता दाभोली नाका ते बॅ. खर्डेकर महाविदयालय वेंगुर्ला या मार्गावर तिरंगा दौड आयोजित करण्यात आलेली होती.
या तिरंगा दौड मध्ये मुख्याधिकारी परितोष कंकाळ, दिलीप गिरप, सुहास गवंडळकर, बाबली वायंगणकर इ.लोकप्रतिनिधी तसेच मोहन होडावडेकर, डॉ. प्रल्हाद मणचेकर, डॉ. राजेश्वर उबाळे, डॉ. संजीव लिंगावत, डॉ. वंदन वेंगुर्लेकर, बॅं.खर्डेकर महाविदयालयाचे प्रा. बाळासाहेब गायकवाड, प्रा. जे.वाय.नाईक, क्रिडा शिक्षक जयराम वायंगणकर, वेंगुर्ला नगरपरिषद प्रशासकीय अधिकारी सौ. संगीता कुबल, नगरपरिषद अधिकारी व कर्मचारी, बॅं.खर्डेकर महाविदयालयाचे प्राध्यापक, खेळाडू, NCC, NSS चे विदयार्थी, मदर तेरेसा स्कूलचे शिक्षक व विदयार्थी तसेच शहरातील बहुसंख्य नागरीक सहभागी झाले होते.
आपल्या सर्वांना एकत्र बांधणा-या राष्ट्रध्वजाचा सन्मान करण्यासाठी वेंगुर्ला नगरपरिषदेमार्फत तिरंगा दौड चे आयोजन करण्यात आलेले होते.
त्याचप्रमाणे ‘’घरोघरी तिरंगा’’ या उपक्रमाअंतर्गत वेंगुर्ला नगरपरिषद नाटककार मधुसुदन कालेलकर सभागृह या ठिकाणी दिनांक १४ ऑगस्ट २०२४ रोजी सकाळी ११.०० वाजता देशभक्तीपर समूह गीत व नृत्य सादरीकरण या विषयांवर आधारित सांस्कृतिक कार्यक्रमाचे सकाळी ११ वाजता भारतीय स्वातंत्र्य लढयात महत्वाची भूमिका बजावणा-या महानायकांची वेशभूषा या विषयावर वेशभूषा स्पर्धेचे (वयोगट इयत्ता १ ली ते ४ थी ) व (वयोगट इयत्ता ५ वी ते १० वी) आयोजन करण्यात आलेले असून शहरातील नागरिकांनी जास्तीत जास्त संख्येने उपस्थित राहावे असे आवाहन मुख्याधिकारी परितोष कंकाळ यांनी केले आहे.
