सावंतवाडी नगराध्यक्षा युवराज्ञी श्रद्धाराजेंनी स्वीकारला पदभार

सावंतवाडी

      नवनिर्वाचित नगराध्यक्षा युवराज्ञी श्रद्धाराजे भोंसले यांनी आज पदभार स्वीकारला आहे. पुण्यश्लोक बापुसाहेब महाराज व शिवरामराजे भोंसलेंचा आशीर्वाद घेत त्या नगरपरिषदेत आल्या. यावेळी नगरपरिषद अधिकारी, कर्मचारी वर्गाकडून त्यांचे स्वागत करण्यात आले. खास फुलांच्या पायघड्या घालत पुष्पवृष्टी करत त्यांचे स्वागत करण्यात आले. लोकमान्य टिळक सभागृहात मुख्याधिकारी संतोष जिरगे यांनी त्यांचे स्वागत केले. तसेच शिवसेनेचे नगरसेवक संजू परब यांसह नवनिर्वाचित नगराध्यक्षांच स्वागत त्यांनी केल. यावेळी शिवसेनेकडून माजी नगराध्यक्ष संजू परब यांनी युवराज्ञी श्रद्धाराजे भोंसले यांचे स्वागत करत अभिनंदन केले. यावेळी नगरसेवक बाबू कुडतरकर, अजय गोंदावळे, देव्या सुर्याजी, अॅड. सायली दुभाषी, शर्वरी धारगळकर, स्नेहा नाईक आदी उपस्थित होते.
     विरोधकाची भुमिका निभाऊ अस जाहीर केल्यानंतर सेना-भाजपचे नगरसेवक प्रथमच एकमेकांसमोर ठाकले होते. यावेळी भाजपच्या कार्यकर्त्यांनी सभागृहात घोषणाबाजी सुरू केली. मात्र, मुख्याधिकारी संतोष जिरगे यांनी त्यांना रोखत प्रशासकीय कार्यक्रम असल्याची जाणीव करून दिली. तदनंतर नवनिर्वाचित नगरसेवकांचे स्वागत करण्यात आले. उबाठा शिवसेनेचे देवा टेमकर यांनी देखील युवराज्ञींना शुभेच्छा दिल्या. यावेळी राष्ट्रवादी शरदचंद्र पवार पक्षाचे पुंडलिक दळवी उपस्थित होते. निवडणूकीच्या आरोप प्रत्यारोपानंतर प्रथमच सावंतवाडीत दोन्ही गटांचे नगरसेवक एकत्र आले.
    याप्रसंगी युवराज लखमराजे भोंसले, भाजपचे नगरसेवक सुधीर आडिवरेकर, आनंद नेवगी, अॅड. अनिल निरवडेकर, प्रतिक बांदेकर, वीणा जाधव, मोहीनी मडगावकर, दिपाली भालेकर, सुकन्या टोपले, निलम नाईक, दुराली रांगणेकर, सुनिता पेडणेकर यांच्यासह माजी नगरसेवक राजू बेग, मनोज नाईक, विनोद राऊळ, दिलीप भालेकर, चंद्रकांत जाधव, माजी नगरसेविका भारती मोरे, संजय पेडणेकर, क्लेटस फर्नांडिस आदींसह सर्वपक्षीय पदाधिकारी, कार्यकर्ते, नागरिक उपस्थित होते.