आमदार नितेश राणे यांच्या सहकार्यातुन कणकवली तालुक्यातील ओसरगाव गावाला भरघोस निधी मंजुर.
konkansamwad
Mar 22, 2024 08:28
128
0
कणकवली.
तालुक्यातील ओसरगाव गावाला आमदार नीतेश राणे यांच्या सहकार्यातून भरघोस निधी उपलब्ध झाला आहे. परबवाडी, अपराजवाडी,बौद्धवाडी रस्ता,कानसळीवाडी,वडारी समाजाकडे जाणार रस्ता, मळीवाडी दिपक धुरी घराकडे जाणारा ब्रिज,लिंग माउली देवालयाकडे जाणाऱ्या गावठाणवाडीवरील ब्रिज आदी विकास कामांचा भूमिपूजन व उद्घाटन ओसरगाव गावचे सरपंच सुप्रिया कदम व गावातील सर्वच उपस्थित पदाधिकारी ग्रामस्थ यांच्या हस्ते पार पडला. ओसरगाव तलावाला भरघोस निधी मिळावा आणि ओसरगाव तलाव पर्यटनदृष्ट्या विकसित होण्यासाठी माजी उपसरपंच बबली राणे यांनी उपोषण केले होते. त्यावेळी घटनास्थळी आमदार नितेश राणे यांनी भेट घेऊन उपोषण स्थगित करत ओसरगाव तलावाला भरघोस निधी उपलब्ध करून देणार असल्याची ग्वाही दिली होती.पर्यटन मंत्र्याची भेट घेवून तातडीने 3 कोटीचा निधी ओसरगावातील तलावासाठी राणेंनी उपलब्ध करून दिला तसेच या निधीमुळे कायमस्वरूपी रस्ता मिळणार असल्याने सामाजिक कार्यकर्ते बबली राणे आणि ओसरगाव ग्रामस्थ यांनी आमदार नीतेश राणे यांचे आभार मानले.
