ट्रक आणि दुचाकीमध्ये भीषण अपघात, दुचाकीस्वाराचा एक पाय जागीच तुटला
konkansamwad
Mar 10, 2025 11:26
810
0
कणकवली
कणकवली तालुक्यातील नांदगाव तिठा ओव्हर ब्रिज खाली ट्रक आणि दुचाकीमध्ये भीषण अपघात घडला. हा अपघात एवढा भिषण होता की, दुचाकीस्वाराचा एक पाय जाग्यावरच पूर्णतः तुटला तर घटनास्थळी रक्ताचा सडा पडला. गंभीर जखमी झालेल्या अवस्थेत त्यांना तातडीने कणकवली उपजिल्हा रुग्णालयात दाखल करण्यात आले. पुढील उपचारासाठी बांबोळी येथे हलविण्यात आले. दरम्यान कणकवली तालुक्यातील नांदगाव तिठा ब्रिज खालून वळण घेत असताना हा अपघात घडला. या अपघातात नांदगाव तंटामुक्त समितीचे माजी अध्यक्ष व एसटी महामंडळाचे सेवानिवृत्त कंट्रोलर ऊमर नावलेकर (रा.७०, नांदगाव तिठा) यांचा एक पाय जाग्यावरच तुटून पडला. घटना घडताच स्थानिकांनी धाव घेत मदतकार्य सुरू केले. तातडीने नरेंद्र महाराज यांच्या रुग्णवाहिकेतून चालक पांडू तेली यांनी व ग्रामस्थांनी त्यांना कणकवली येथील उपजिल्हा रुग्णालयात दाखल केले.यावेळी घटनास्थळी मोठी गर्दी जमली होती. मात्र हा अपघात नेमका कसा घडला या बाबत अधिक तपास पोलीस करत आहेत.
