वेंगुर्ल्यात चारचाकी गाडीवर कोसळले अवाढव्य झाड; सुदैवाने मोठा अनर्थ टळला.
konkansamwad
Apr 21, 2024 01:20
163
0
वेंगुर्ला
शहरातील कुबलवाडा येथे रात्री ८ वाजण्याच्या सुमारास उभ्या असलेल्या ईको कार गाडीवर अवाढव्य आंबाड्याचे झाड पडून गाडीचे नुकसान झाले.झाड पडत असल्याचा आवाज आल्याने गाडीतील सर्वजण बाजूला गेल्याने मोठा अनर्थ टळला.वेंगुर्ला कुबलवाडा येथील जयेश गावडे हे आपल्या एम एच ०७ क्यू ९८९४ या क्रमांकाची गाडी घरासमोर उभी करून उतरत असताना अचानक रस्त्याच्या पलीकडे असलेले मोठे आंबाड्याचे झाड मधून तुटून थेट विजेच्या तारा तोडत गाडीवर कोसळले.वेळीच गाडीतील कामगार बाजूला झाल्याने मोठा अनर्थ टळला.मात्र गाडीचे मोठ्या प्रमाणात नुकसान झाले आहे.या अपघाता बाबत वेंगुर्ला वीज वितरण कार्यालयाला कळवून विज पुरवठा खंडित करण्यात आला.त्यानंतर वेंगुर्ला नगर परिषदेला समजतात वेंगुर्ला नगरपरिषदेचे कर्मचारी संतोष जाधव,बाबुराव जाधव, गणेश जाधव, पंकज पाटणकर, किरण जाधव, लक्ष्मण जाधव, शैलेश सातार्डेकर यांनी घटनास्थळी धाव घेऊन ते झाड बाजूला करण्यास सुरुवात केली.यावेळी नगर परिषदेच्या कार्यालयीन अधीक्षक संगीता कुबल, शिवसेना युवासेना वेंगुर्ला शहराध्यक्ष संतोष परब उपस्थित होते.
