माजी आमदार राजन तेली यांची आडेली ग्रामपंचायतीस भेट; विकास कामांचा घेतला आढावा.
konkansamwad
Aug 27, 2023 08:21
292
0
वेंगुर्ला.
माजी आमदार व भाजपा माजी जिल्हाध्यक्ष राजन तेली यांनी आडेली ग्रामपंचायतीला भेट देऊन विकासकामांचा आढावा घेतला.सरपंचा यशस्वी कोंडसकर व ग्रामविकास अधिकारी अनिल चव्हाण यांनी विविध कामांबाबत माहिती दिली व काही कामांबाबत तांत्रिक समस्यांची माहिती दिली.
अपूर्ण कामे जिल्हा नियोजन, बजेट, पुरवणी आराखड्यात कामे समाविष्ट करुन विकासकामे करुन देणार असल्याचे राजन तेली यांनी आश्वासन दिले. यावेळी प्रामुख्याने भंडारवाडी गोपीनाथ तलाव, जनजीवन मिशन या विषयावर चर्चा झाली.यावेळी सरपंच यशस्वी कोंडसकर यांनी राजन तेली व उपस्थित मान्यवरांचे ग्रामपंचायतीच्या वतीने स्वागत केले.
यावेळी भाजप तालुकाध्यक्ष सुहास गवंडळकर, तालुका चिटणीस समीर कुडाळकर, वेंगुर्ले तालुका सरपंच संघटना अध्यक्ष विष्णू उर्फ पप्पू परब, उपसरपंच परेश हळणकर, शक्ती केंद्र प्रमुख तात्या कोंडसकर, भाजपा पदाधिकारी राजू सामंत, ग्रा.पं. सदस्य वैभव कोंडसकर, भुमिका सावंत, ज्येष्ठ पदाधिकारी दादा धर्णे, सुधीर मुंडये, पप्पू धर्णे, प्रशांत धर्णे, रामा कोंडसकर, बाळा म्हारव, मंगेश आडेलकर, वैशाली कुडाळकर, सोनसुरकर, भाजप कार्यकर्ते ग्रामस्थ उपस्थित होते.
