आमदार नीलेश राणे यांच्या वाढदिवसानिमित्त सावंतवाडी येथे तीन दिवसीय नाट्यमहोस्तव

सावंतवाडी

    आमदार निलेश राणे यांच्या वाढदिवसानिमित्त सह्याद्री फाउंडेशन व संजू परब मित्र मंडळ यांच्या संयुक्त विद्यमाने १४ ते १७ मार्च सावंतवाडी येथे तीन दिवसीय नाट्यमहोत्सव आयोजित करण्यात आला असून यामध्ये ट्रीकसिनयुक्त दोन दशावतारी नाट्यप्रयोग तर एक ऐतिहासिक नाट्यप्रयोग होणार आहे.शहरातील भोसले उद्यान समोर हा कार्यक्रम होणार आहे, अशी माहिती संजू परब यांनी दिली.ते पुढे म्हणाले, आमदार राणे यांचा वाढदिवस विविध समाज उपयोगी कार्यक्रमांनी साजरा केला जाणार आहे. १५ मार्च ते १७ मार्च या तीन दिवसात हे विविध कार्यक्रम होणार आहेत. यामध्ये गरजू लोकांना धान्यवाटप, रुग्णांना फळ, औषध वाटप तसेच हॉस्पिटलमध्ये बेडशीट वाटप आदी विविध कार्यक्रम करण्यात येणार आहेत. शिवाय दररोज सायंकाळी सात वाजता शहरातील जनरल जगन्नाथराव भोसले स्मृति उद्यान येथे नाट्यप्रयोग होणार आहेत. यामध्ये १५ मार्चला कलेश्वर दशावतार नाट्य मंडळ नेरुळ यांचा "जय जय रवळनाथ" हा ट्रीकसिनयुक्त नाट्यप्रयोग, १६ मार्चला जय हनुमान दशावतार नाट्य मंडळ यांचा ट्रीकसिनयुक्त "कृष्णभक्त कुम्मनदास" हा नाट्य प्रयोग तर १७ मार्चला गणेश ठाकूर दिग्दर्शित अफजलखानाच्या वधावर आधारित रोमहर्षक ऐतिहासिक नाट्य कलाकृती "नरसिंहशिवराय" नाट्यप्रयोग होणार आहे.तरी या विविध कार्यक्रमांचा व नाट्यपुष्पांचा नाट्य रसिकांनी नागरिकांनी उपस्थित राहून लाभ घ्यावा, असे आवाहन त्यांनी केले आहे.