सिंधुदुर्ग जिल्हास्तरीय फुटबॉल निवड चाचणी १ नोव्हेंबर रोजी.....जास्तीत जास्त खेळाडूंनी सहभागी व्हावे - जिल्हा क्रीडा अधिकारी नीलिमा अडसूळ
konkansamwad
Oct 23, 2025 11:30
120
0
कुडाळ
सिंधुदुर्ग जिल्हास्तरीय फुटबॉल निवड चाचणी दिनांक 1 नोव्हेंबर, 2025 रोजी श्री. वासुदेवानंद सरस्वती माध्यमिक विद्यालय, माणगाव ता. कुडाळ येथे सकाळी 10 वाजता होणार आहेत. जिल्ह्यातील जास्तीत जास्त खेळाडूंनी या निवड चाचणीमध्ये सहभागी व्हावे, असे आवाहन जिल्हा क्रीडा अधिकारी नीलिमा अडसूळ यांनी केले आहे.
क्रीडा विभाग, महाराष्ट्र इन्स्टिट्यूशन फॉर ट्रान्सफॉर्मेशन (मित्र) सिडको आणि वेस्टर्न इंडिया फुटबॉल असोशिएशन (WIFA) यांच्या संयुक्त विद्यमाने राज्यात फुटबॉल खेळाचा विकास, प्रचार आणि प्रसार करण्याच्या उद्देशान "महादेवा" ही महत्त्वाकांक्षी योजना राबविण्यात येत आहे. या योजनेच्या माध्यमातून राज्यातील युवा खेळाडूंना फुटबॉलमध्ये करिअर करण्याच्या दृष्टीने प्रोत्साहन देणे हे प्रमुख उद्दिष्ट आहे.
या योजनेचा एक भाग म्हणून, राज्यातील 13 वर्षा आतील मुले व मुलींसाठी जिल्हा, विभाग आणि राज्य स्तरावर फुटबॉल निवड चाचण्यांचे आयोजन करण्यात येत आहे. या निवड चाचणीतून निवड होणाऱ्या खेळाडूंना दिनांक 14 डिसेंबर, 2025 रोजी मुंबई येथे जागतिक कीर्तीचे फुटबॉलपटू लिओनेल मेस्सी यांच्यासोबत खेळण्याची एक अभूतपूर्व संधी मिळणार आहे.
